Tuang Za Khai, Ph.D., Zola tawh Muakna

Pasian’ thukimpihna a om leh hih ‘Khrih Tuallenna Mun Siangthote’ cih laibu a sawtlo in hawmkhia ding hihang. Hih laibu pen, a piangthak khinsa, Pasian’ nasem, Jesuh Khrih tuallenna munte’ thu a lunglut, Pasian’ thu a lungngai nuam leh, Pasian’ thu sungah thatak a la kik nuamte a dingin sim huai mahmah ding hi. Thamlo in, piangthak nailo napi, Jesuh Khrih a kici a koidan hiam cih a sinnuamte ahi aa; Israel zin ding geelna aneite a dingin zong sim huai mahmah ding hi. Hih laibu ka gelh kawmkhawmin tam veipi ka khitui luangin ka laigelh ka zop theih nawnloh hun om hi. Thamlo in, hih laibu a sim khate in Pasian hopihna a ngah ngiat ding uh ka thunget leh ka lametna zong ahi hi.