Thapiakna Thului-20
Hih laibu ‘Thapiakna Thului-20’ sungah a lungkia mite leh nuntakna cimtakin, haksa asa mite a dingin thalak theih nading thului sawmnih kong guang hi. Tua bangin thalak nading, ahih keileh, thapiakna, thului sawmnih kong gelh ciangin, hih thuluite tung tawnin lamet abei leh a lungkia mi khat peuhpeuh in thalakna leh lametna-aneih kik theih nadingin kiu khat panin huh in nasem ding hi, cih ka lamet leh ka lunggulh ahi hi.
Hih thului sawmnih te’ sungah laibu tuamtuam leh laihawm tuamtuamte ah a kihel khin pawlkhat om hi. Pawlkhat pen ka sim kik ciangin ka puahnop mahmah zong om aa, ahi zongin laihawm leh laibu tuamtuam ah a kisuaksak khin ahih zui-in, tua bangin kong koih suak mai hi. Thamlo in, hite sungah, thapiakna ahilo tawh a kibang nih le thum kihel aa, ahi zongin thapiakna mah tawh a kibelpawl veve te hi uh hi.
Hih laibu sungah John Harper, leh Billy Graham, a kipan Pasian’ nasem mi lawhcingte bek ahilo in Steve Jobs, leh A.L. Williams te dongah mi lawhcing tampite’ tung tawnin thalak theih nading thute kihel hi.
Hih laibu pen ‘A Hizolo Omlo’ cih laibu mah bangin khangote’ thalak theih nading ngaihsutna tawh a kigelh hi aa, ebook version tawh anuai aa online laibu zuaknate panin kingah thei ding hi. Thamlo in a download pah nuamte in zong ebook (ePUB) ahih keileh, PDF khat zawzaw, na deih zawk pen a laimal tung na meek lecin ki download thei ding hi.
Laibute hong simsak, tha hong pia mimal kim tungah lungdam mahmah hi.
Laibu simte' tungpan...
Hih laibu ‘Thapiakna Thului-20’ tawh kisai laisimte’ tung pan muhna leh ngaihsut piakna (feedback) om nailo hi. A zenzenin, a om zenzen aa laigelhpa in a suaksak nop leh himun ah suaksak ding hi.
Thupi lua
Khua hun tawh kizui in laibu simdan zong lem mahmah ei , Laibu hoih tampi Zolai tawh lamen lai hang ei.
tha piak na thu lu 20
ki download thei lo 😂
thapiak na
sim nuam limlim
Vitamin pi khat hi.
Thu manpha leh lam hong lak meivak khat hi, ci’n mu ing!😇
Lungkiatna pan tha hong guan laibu
Tu sung teng thaneemna, lungkiatna, tampi ka tuahkhak laitak hi-in, na laibu FREE aa nong hawm khiat ka sim khak tung tawnin, thangah in, lametna tampi hong guan hi. Mai lam ah hibang thalakna laibu tampi hong bawl toto lai in maw Dr. Khai. Lungdam
