A HIZOLO OMLO
Tupna kician anei khangnote thapiakna (free download)
Hih ‘A Hizolo Omlo (Nothing Is Impossible’ cih laibu sungah, mi tampite’ thuakkhak thu haksate leh tua thu haksate tungah bangci-in gualzawhna ngah thei uh cih, kigelh hi. Laigelhpa mahmah ii tuakkhak thu haksa tuamtuamte zong kihel hi. Tua dung zui mah in, haksatna, lungkiatna, leh lametbeina cihte a thuakkha zelzelte a ding ngaihsunin hih laibu a kibawl hi aa, tua bang thute a thuakkha ngeilote in hih laibu sim kul nawnlo hi.
Hih laibu pen 2014 kumin a kihawmkhia hi aa, Kawlpi ZCLS pan, laibu a zuak khempeuh sunguh ah a kikhawng penpen hi, acih uh dung zui-in, laigelhpa in ‘a kikhawng penpen laibu’, ci-in ciamteh suaksuak hi.
Hih laibu pen, PDF leh eBook (EPUB) version tawh deih zawkzawk in man piak kullo, a mawkna (free) in ki download thei hi. Hih laibu tawh a kibang thapiakna laibu namte simnop leh, ‘Thapiakna Thului-20’ kisim thei ding hi.
Laibu simte' tungpan...
Hite pen ‘A Hizolo Omlo’ cih laibu tawh kisai laisimte in a muhna uh a tuamtuam a gen uh tampi a omte’ sung panin pawlkhat ahi hi. A simnuamte in free in ki download thei hi.
Hibang laibu Zomite’ sungah agelh ki om mello mai hi. Mihau, mipilte in, a phutkhak thute uh panin a luangkhia thu manpha tampite hong theisak hi. Zomi, Zolai a simthei khempeuh a dingin, a simhuai leh a simtaak mahmah laibu hoih khat ahi hi.
Zam Dong, PhD
Historian
Hi laibu ahih leh hoih mahmah in, lai gualh dan zong simnuam mahmah se hi. Sumpi don sung nangawn aa ka sim laibu khat hi-in, Sermonnate ah hong huh thei mahmah ding khat leh thalaakna dingin a manpha mahmah laibu khat ahi hi.
Rev Job Thawngno, Dr
Prestigious Author
Khangnote’ thalaak theih nading laibu kician Zomite’ sungah hibek mah a om cih ding hiphot hi. Sim suk lehang, laigelhpa in laibu tampi a simkhin ngei ahih lam hong kilang aa, a sunga’ thute zongh ahi takpi vive ahih manin thangah huai diak sa in manpha kasa hi.
Rev Go Lian Thang, MTh
Manager, TBC-Unicef
Lametbei, lungkia, dongtuak leh cihna ding mel theilo in mailam ding abing cip a kisa mite a dingin, hih laibu pen ‘Vantung mite’ lamlahna laibu’ laibu kici thei ding hi. Laigelhpa’ mahmah ii phutkhak thute zong thalakna dingin kicing khop khinta hi.
Gul Suan Lian, PhD
Researcher
